يوميات بوصلوح الكويتي (1)

بو صلوح شاب كويتي ، و مثل أغلب الشباب عايش عالبركة و ماخذ الدنيا طول اب عرض ، و مع انا وضع أبوه مو لي هناك الا انه مو مخلي عليه قاصر ، و الظاهر ان بوصلوح فهمها غلط و عباله أبوه مليونير ، فقرر ان ما يدرس ولا اداوم و يعيش بطالي ، و دخل بوصلوح الثانوية بالدز و طلع منها بتفوق !! نعم تفوق و اللي عباله الله هداه غلطان ، بس بو صلوح طلع فطين و صاد الحركة ، و الحبيب قزرها يشتري امتحانات و يبرشم ، و بعد ما تخرج بو صلوح أمه الفقيرة كتت النون و طيحت العشا من كباب الحجة اب هالمناسبة السعيدة ، اكتشف انه مو كفوا جامعة و ما يقدر عليها ، بس بو صلوح مايطوفة شي و طبعا كان عنده خطه للمستقبل الواعد ، راح بو صلوح و قدم على كل قطاعات السلك العسكري ، لأن الولد كان وده اسوي اللي سواه هتلر و طول فترة دراسته في الثانوية كان يرسم خريطة العالم و يزينها اب شعار النازية، بس بو صلوح كان متوقع ان معدله العالي و قوامه الممشوق كافي عشان ادش الكلية ، بس المسكين طلع غلطان و طبعا الواسطة فوق كل المعايير اب هالديرة اللي بو صلوح لما الحين فاهمها غلط ، و ينحد بو صلوح على الجامعة بعد ما اندقر من العسكرية ، فطبعا شاب فطين مثل بو صلوح أكيد بيختار كلية مناسبة لقدراته و ميوله ولو ان الولد ما عنده ميول ، و بعد بحث معمق مع شباب القهوة اختار كلية الآداب و فعلا دخل الكلية....يتبع