يوميات بوصلوح الكويتي(3)

...و فعلا بعد فترة بسيطة انقبل بالبلدية و قزرها معاش و نوم و صار بوصلوح من أهم مفاتيح هذا النائب يمشي و يذكره بالخير اب داعي و من غير داعي ، و لكن بعد فتره اكتشف ان هذا النائب قاص عليه و ان في مرشح يدفع نقدي و يقدم الخدمات نفسها ، و مسرع ما قلب بوصلوح على صاحبه الأولي و بدى يشتغل مع الدفيع ، بس صاحبنا ما عداها له على خير و سلط كل ربعه على بوصلوح فالدوام صار اب مواعيده و الحالة كسيفة ، بس بوصلوح طاح على كنز و اهوا بالدوام و شاف ان عنده سلطة جبارة و ان مصالح المواطنين و حلالهم بين ايده ، فقرر يجرب أول بالوافدين و يبتزهم اب مبالغ بسيطة و لما شاف الموضوع سهل و مربح قرر يلعب على كبير و وضعه المادي تحسن و صار عال العال و تزوج و صار عنده عيال و الجيب عمران شراله بيت اب جنوب السرة و طبعا رز البنز جدامه و لا أحد فكر اقوله من أين لك هذا !! و دارت الدنيا و قعد بو صلوح اعبي اب هالجيب لما طفح لا و ما اكتفى اب هالمصدر للكسب الحلال اب هالزمن و المكان ، الأخ فتحله شركة وهمية و صار تاجر اقامه أد الدنيا !! و بعد فترة تقاعد من البلدية و جابل البنقالية اللي استعبدهم ، بس الكلام زاد عليه من العذال و المنافسين فخاف على تجارته و قرر يسوي شي يظمنله ان يستمر و يزيد غنى، و قرر بو صلوح ان يرشح نفسه حق انتخابات مجلس الأمه بس طبعا كانت مجرد فكرة و محتاجة بحث و دراسة.....يتبع